Côr Meibion Taf yn fuddugol yn yr Ŵyl Ban-Geltaidd
Dilynwch y ddolen hon er mwyn darllen hanes taith lwyddiannus y côr i Iwerddon yn ddiweddar.
Mae Côr Meibion Taf yn ymarfer
bob nos Sul am 7:30yh
CAPEL SALEM, TREGANNA
RHODFA’R GORLLEWIN
Rydym wedi ymgartrefu bellach yng Nghapel Salem, Treganna, Caerdydd. Yn arferol rydym yn cwrdd am 7:30 bob nos Sul. Mae’r ymarfer yn gorffen am 9:00 ond mae’r cymdeithasu yn parhau mewn awyrgylch cartrefol braf wedi hynny!
CALENDR 2024/2025
Rydym wastad yn brysur yn ystod gemau rygbi rhyngwladol yr hydref a thymor y ‘Chwe Gwlad’. Yn amlach na pheidio rydym yn cystadlu yn yr Eisteddfod Genedlaethol bob mis Awst. Mae croeso i aelodau hen a newydd ymuno â ni yn ein hymarferion pan gawn gyfle i atgoffa’n hunain o’r hen ffefrynnau a chael blas ar ddysgu darnau newydd.
Gwyliwch ein sianel Youtube a dilynwch ni ar Facebook a X (Twitter)
Cysylltwch â Rhodri Jones 07770 559961 (Cadeirydd) neu Colin Williams 07768 900738 (Ysgrifennydd)
Repertoire 2024/25 (detholiad)
2004-2024
Cor Meibion Taf yn Ugain Oed
Yn un, fel ers ugain haf, yn enw’r
ugain mlynedd nesaf,
am y cordiau mân glanaf
ymboenwn ’to, Meibion Taf.
cwj (18.10.24)
Mwynhewch y detholiad hwn o luniau a dynnwyd gan aelodau’r côr ar y noson.
Detholiad o luniau o’r ugain mlynedd diwethaf.
Dal ein gafael ar dlws Eisteddfod Gadeiriol Llandudoch
Nos Sadwrn 18 Mai 2024
Mae aelodau Côr Meibion Taf yn mwynhau teithio i ogledd Sir Benfro ac roeddem wrth ein bodd i gipio’r wobr gyntaf yng nghystadleuaeth y corau a dal ein gafael ar y tlws hardd ar ein trydydd ymweliad â Llandoch eleni.
Gwrando ar Gôr Meibion Taf
Rydym wedi rhyddhau dwy gryno-ddisg yn ystod yr ugain mlynedd diwethaf. Dilynwch y ddolen hon i wrando ar Gwinllan a Roddwyd a Gwahoddiad ynghyd â pherfformiadau eraill.
Perfformiadau diweddar:
Eglwys St David’s, Caerau Trelai, Caerdydd
28 Mehefin 2024
Noson i godi arian i goffrau’r eglwys hyfryd hon yng ngorllewin Caerdydd. Ein braint oedd rhannu’r llwyfan gyda thri o ddisgyblion dawnus Ysgol Plasmawr.
Mai 2024
Gŵyl Corau Meibion Ryngwladol Cernyw
Dilynwch y ddolen hon i ddarllen hanes y daith a’r pedwar perfformiad
Eisteddfod Gadeiriol Caerdydd
26 Ionawr 2024
Dechrau’r flwyddyn newydd trwy gystadlu yn Eisteddfod Gadeiriol Caerdydd yn Ysgol Glantaf. Saith côr ar y llwyfan ac CMT yn hawlio’r ail wobr. Mae 2024 yn addo bod yn flwyddyn brysur a llwyddiannus gobeithio!
Rhai o uchafbwyntiau 2023:
Lansio CD newydd a dathlu’r Nadolig
Mae cyngerdd Nadolig Côr Meibion Taf wastad yn achlysur i’w fwynhau ond roedd arwyddocâd arbennig i’r cyngerdd eleni wrth i’r côr lansio albwm newydd, Gwahoddiad, ar 7 Rhagfyr. Cynhaliwyd y cyngerdd yn Eglwys St John’s, Treganna gyda chôr Ysgol Treganna a’r mezzo-soprano ifanc o Benarth, Llinos Haf Jones yn westeion arbennig. Dilynwch y ddolen hon i ddarllen am hanes y noson gofiadwy hon.
Nadolig CMT
Wrth grwydro bro dod i’r brig.
Colin Williams
Côr Meibion Taf yn cadw cwmni i Geraint Thomas
Cafwyd noson i’w chofio pan wahoddwyd Côr Meibion Taf i berfformio yn y Theatr Newydd yng Nghaerdydd fel rhan o bodlediad Geraint, The Geraint Thomas Cycling Club. Cynhaliwyd y podlediad byw nos Fawrth, 7 Tachwedd. Bu’r côr yn ymarfer yn galed at y noson ac fe wahoddwyd Geraint i fwrw ei linyn mesur dros y canu nos Sul 29 Hydref yn Nghlwb Rygbi Llandaf. Roedd y bois wrth eu bodd i gwrdd ag un o’n harwyr cyfoes a Geraint ei hun yn hapus i rannu llwyfan â ni!
Rhagor o luniau o’r noson yn y Theatr Newydd
Lleisiau ifanc yn ymuno â Chôr Meibion Taf
Fel y gwelwch chi, mae Steff, ein harweinydd, yn falch iawn i groesawu criw o fois sy’n iau nag e!
CMT yn Eisteddfod y Cymoedd Hydref 2023
Recordio ein hail CD
Mae’r CD yn cynnwys amrywiaeth o ganeuon sydd yn cynrychioli repertoire eang y côr: o Deryn y Bwn o’r Banna i Pan Fo’r Nos yn Hir, o Seren Nadolig i You’ll Never Walk Alone, ac o Myfanwy i An American Trilogy, heb anghofio perfformiad tair-ieithog o O Tannenbaum!
Côr Meibion Taf yn dathlu Gŵyl Ddewi yn Senedd Cymru
Dilynwch y ddolen hon i ddarllen am gyfraniad CMT i’r Derbyniad Rhyngwladol hwn ar wefan Brecwast Gweddi Seneddol Gŵyl Ddewi
Darllenwch am hanes y daith i Ynys Bute a Chaeredin
Chwefror 2023
‘The feedback from Friday night’s concert is totally overwhelming on the island … on leaving for the mainland yesterday it was all about Friday night at Mount Stuart!’ (Jim Bicker, Mount Stuart House)
‘Easily one of the best social events we have ever hosted at the clubhouse. You and all the members of the choir are an absolute credit to Wales and we would be honoured to host you again in two years’ time.’
(Bill McNie, Llywydd Clwb Rygbi Stewart’s Melville)
Adnabod ein haelodau
Dilynwch y ddolen hon er mwyn dod i adnabod rhai o aelodau’r côr yn well trwy gyfrwng cyfres o gwestiynau amrywiol.
Y diweddara i ymgymryd â’r her yw Justin Samuel, un o’r ail denoriaid neu’r Titws fel y’u hadnabyddir, aelod o adran y baritoniaid. Darllenwch ei hanes trwy ddilyn y ddolen hon.
Cymdeithas Golff CMT
Tlws Ieu Aman
Mae nifer o golffwyr brwd a thalentog yn aelodau o’r côr. Yn flynyddol bellach byddant yn ymgiprys am Dlws Ieu Aman (Ieuan Davies, un o is-lywyddion anrhydeddus y côr) a ddyfernir i olffiwr mwyaf cyson y tymor. Ar ffriddoedd a lawntiau cwrs golff Creigiau ar fore 30 Hydref y seliwyd tynged y tlws am 2023. Wele Huw Llywelyn Davies yn derbyn ei wobr gan ddeiliad cyntaf y tlws, Goronwy ‘Gogs’ Jones.
Rhai o uchafbwyntiau 2022
Côr Meibion Taf yng nghwmni Côr y Brythoniaid a Merched Plastaf
Dyma’r gyngerdd gynhaliwyd (o’r diwedd) ddwy flynedd a hanner wedi’r dyddiad gwreiddiol ym mis Mawrth 2020. Dilynwch y ddolen hon i weld rhagor o berfformiadau a lluniau o’r noson gofiadwy hon.
CMT yn denu sylw’r papurau bro
Eisteddfod Ceredigion, Tregaron, Awst 2022
Geraint Thomas (G) yn dymuno’n dda i CMT!
Dim safle ar y podiwm ond y côr wedi elwa’n fawr ar y gwaith paratoi caled ac yn ymfalchïo yn ein perfformiadau hyderus ar lwyfan y Genedlaethol. Ymlaen i Lyn ac Eifionydd yn 2023!
